福祿壽訓練學院丨祖藍臨時變陣化身何太兒子 直擊原以鄭秀文經典造型歌頌何伯愛情

福祿壽訓練學院丨祖藍臨時變陣化身何太兒子 直擊原以鄭秀文經典造型歌頌何伯愛情

《東張西望》訪問何伯及新何太嘅愛情故事牽起全城熱話，新何太更爆何伯5名子女「爭家產」，《福祿壽訓練學院》食住呢個潮流，呢個星期播出嘅節目就有李思捷同阮兆祥神還原何伯何太回應熱潮，而王祖藍亦準備「登場」！

祖藍呢日返電視城錄影，原本佢改好首歌諗住歌頌何生何太呢段愛情，以鄭秀文當年喺電影《孤男寡女》造型換裝，但係最近何太18歲阿仔登《東張》，令祖藍臨時變陣，更預告登場方式有驚喜，祖藍指何太阿仔每句回答都係金句，佢希望大家拭目以待。

《福祿壽訓練學院》本周日播出第6集，三位導師所帶領嘅隊伍將要接受第三輪訓練，展開「生死對決」，三個回合進行對決，邀來張達明擔任評審，每次對決均可邀請同Team學員或導師助演，每場對決勝出學員直接晉級，輸嘅學員要進入危險區，本輪最終將淘汰5名危險區學員。

鄭詠謙再次扮林峯《Let’s get wet》脫衣搞氣氛，佢事前更斷食五日，為角色變瘦；葉泓聲化身「大笑姑婆」吳若希唱《越難越愛》，苦練「若希式」笑容同經典動作。

#何伯 #新何太 #東張西望 #訪問 #子女 #爭家產 #福祿壽訓練學院 #李思捷 #阮兆祥 #王祖藍 #導師 #登場 #愛情 #孤男寡女 #Sammi #鄭秀文 #金句 #何太兒子 #危險區 #張達明 #鄭詠謙 #林峯 #葉泓聲 #大笑姑婆 #吳若希 #越難越愛
#TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0