HMAR KAN NI HI KAN LAWM || SINLUNG ARTISTE

HMAR KAN NI HI KAN LAWM
Sinlung Artiste
1. Zodinpuii
2. Lily Ramthar
3. Lalrindiki Hmar
4. Elizabeth Ramneithieng
5. Elish Darngawn

Ziektu John Lalrawnum Hmar
Hla zâi: VC Keivom
Executive Producers: John Lalrawnum & James A Songate

1. Isreal hai Kanaan ram thuoi tlungtu di’n mosie khuonu’n an duong;
Hmar hai khawm khuonu’n thuoi in Kachin sinlung a’nthawk;
North East India Manipur, Mizoram, Nagaland,
Assam le Tripura Leilung sukmawitu tu din the dar kan nih.

Aw Chungkhuonu Hmar kan ni hi kan lawm ngei ie;
Kan hnam inrieng ding phal naw la malsawmna’n mi vur la;
I kut hrata mi chel zingin mi thuoi pei la aw!
Lungruol diela phei khai vawrin Hmar kanaan ram hluo thei kan tih.

2. Ei chengna hmun le ram tlang le muol hai lo in dang ta sienkhawm
Insuk hran ding ei um bik nawh Hmarnau zaleng hai;
Ei Pu Lalruong Sura le Nahai thla hai ei nih;
Suilung ruolin insuikhawm zai rel lem ei tiu sinlung suok hai!

3. Ei Ram hnam ta dinga tlawmngai ram tuon pasaltha valruol han;
Thisen man ngei Sinlung Hill Council an hung hawn hi!
Theitawp a sukvul zingin chawilien pei ei ta;
Hmar kanaan ram Sinlung Hill chu hung par suokin chuoi ta naw nih.

4. Hnam thisen luong loa khuonu mi pek Pherzawl district ngei hi;
Hmar mithiem hai bul intana kungpui a lo nih;
A sakhming Zawlkawpui rohlu ei nei ta hi.
Chung Jerusalem iengin lungruolna run inchang mawl raw se.

5. Aw hnam pasaltha hai inram tuonna zamzai rel loin aw ,
Kan innghatna innih kan suongin kan muongpui cheu;
Chengrang, dolung karah thangtham sahrang huol vel,
Hring damin aw valruolhai Hmar hnam ta dingin thang fan fan ro.

6. Aw thangthar inchuklai hai chung muvanlai ienga vuong sangin;
Sappui nun khum khela leng thei din tumruna leh;
Hmar mihrang fam lo chang tahai sulhnung thuolin,
In hlawtlingna ei hnam ta din zalenna kawl eng suok a tih.

7. Ei hnam mawina thiltha thaw nundanmawi le tlawmngaina hai hih, 16
Lawi ang thangluoi zing sien la a sakhming HYA;
Inthang lien peiin Hmar nunphung zaidaw theina,
Hnam dang hai entawn tlak Hmar hnam chunglurin mawi zuol pei raw se!


Hla phuoktu thucha-
Sinlung suok Hmar hai le a kaupeng hai popo kara inremna le inthuruolna siemtu dingin kan hlan a. Hla sak inhawi ni naw sienkhawm mawi taka saktu Sinlung Artiste hai chungah ka hle bawk.