反擊網民質疑 最新爆料 本來只係做契女 係佢主動契女契上床做新何太!唔止迷魂湯係斷腸湯! 大鬧網民係瘋狗 再自爆情人節收金器! 何伯何太加埋接近120歲嘅忘年戀轟動全城，為網上一連串海量負皮而大動肝火

《東張西望》報道「何伯新何太」事件引來全城討論熱潮，眾多網民一邊睇「新何太」花式解釋一邊「食花生」。最新一集「何伯新何太」更在節目中反擊網民，何伯直言：「我當佢哋（網民）係瘋狗！佢根本唔理我家事發展，信晒啲反派。「新何太」亦說：「因為我係好注重名聲嘅人！邪不能勝正！我哋為人正直，會堅持走返啱嘅路。」

自稱「何家子女代表」之全文：「大家好，本人是何家子女代表，當日從銀行提取港幣四百五十萬款項只為維護我家何姓自身權益，而家父日後的生活所需我們當然會負責到底，至於家父續弦再娶的我們一致表決不會，亦無必要及義務責任供養，如“新何太”有任何異議，歡迎以法律行動解決，而我們何家五子女亦會以法律行動追討在此期間“新何太”向家父所得的所有財產，謹以此平台宣佈」

原文網址: 東張西望｜疑似何伯子女正式「宣戰」：冇義務供養家父續弦 | 香港01 https://www.hk01.com/article/1019228?...

何伯何太加埋接近120歲嘅忘年戀轟動全城，今晚佢地再接受東張西望訪問，為網上一連串海量負皮而大動肝火。
🔴大鬧網民係瘋狗
何伯同何太指連日嚟都有睇評論，何太更睇咗幾千個負評，睇到凌晨四點。何伯指網民咁樣鬧法「好心痛」，何氏伉儷槍口一致對外反擊，何伯話：「佢地係瘋狗，根本唔知我家事係點發展，信晒嗰班反派（五個仔女），呢五個忤逆仔女！你地知唔知我細女捲走晒我啲錢呢？我帶錯咗佢地嚟呢個世界！佢地想我死，根本就係想我死，啲錢就佢地五個分㗎啦嘛！佢地五個分到90萬㗎嘛！咪袋袋平安囉！」
何太就指佢被呢班反派針對：「就算個女人唔係禾，佢地一樣反對！因為爭遺產，佢地先下手為強，捲走晒禾老公啲錢，等禾老公一分錢伙食都無而家，佢戶口剩返四千幾蚊，禾唔要佢嘅！佢叫禾當咗隻錶，禾都唔要住！如果禾聽你話拎去當，仲唔俾你啲仔女，話禾係騙子呃你錢！禾頂唔順喇，因為禾係好注重名聲，邪不能勝正！」
🔴被網民質疑拎100萬點做生意
何伯指生意有大做大，有細做細，何太亦附和，指會錫住老公啲錢：「拎住100萬出嚟先，就住就住啲開支，睇吓搞成點囉。禾都想賺多啲錢，返嚟同佢一齊 「閒」受（享受），嘻嘻嘻！」被主持人梁敏巧問到如果蝕咗點算，何伯非常闊佬：「蝕咗點算？預咗㗎啦，我有450萬㗎嘛，100萬做試金石先囉！」
🔴被網民指何太灌迷魂湯
何伯否認臨老入花叢：「我不知幾清醒！我啲錢係我自己搵返黎㗎，點解要俾佢（細女）偷走！」、「佢幫我保管？我想拎返嚟做生意㗎嘛，你保管到我死，我點做生意呀？」何太亦激動附和：「你地呢啲咪唔知內情囉！所以搞錯咗囉！」而何伯亦大讚老婆老實，靠得住：「邊個女人呃我，我實批得通㗎我！我十幾歲嚟香港，我跑過江湖咁耐，我知㗎！」
🔴何太被網民質疑貪錢
何太劈頭就鬧網民「佢地太膚淺喇！」：主持人梁敏巧問佢愛老公啲咩，何太停咗2秒之後答：「咪鍾意佢愛錫禾，禾覺得幸福囉！佢幾捨得呀，試問有邊個女人唔希望搵一個愛錫自己嘅老公呀？係咪呀？唔通禾老公愛錫禾都有罪？」仲叫一眾女網民應該羨慕佢：「果啲女網民，應該羨慕禾有個咁愛禾嘅老公先啱呀嘛！」何太指自己從來唔會呃人一分一毫：「禾唔理佢年齡，佢愛禾就得！」
🔴被網民質疑會唔會養返何伯
何太自爆其18歲仔仔曾透露想唔讀書，出嚟返工養何伯，而何太啲戲話到就到，邊講邊悲從中來，喊起上嚟。主持人又問到佢自己會唔會出嚟返工養何伯，於是何太又靜咗兩秒：「禾一定會搵到生存嘅方法嘅，禾老公呢唔俾禾一個人出去打工㗎，而家無論禾去邊，禾都會帶埋佢去，禾或者返大陸，擺個攤檔，喺街邊煎牛扒俾人食，禾都會帶埋佢！」
🔴被網民指穿金戴銀、36萬行頭
何太就澄清部分手袋同首飾都係A貨，期間大曬幾個冒牌Gucci等手袋，共價值600蚊人仔：「呢啲A貨嚟咋，呢個三百幾，呢個都係三百幾！喺大陸直播間買，珠鏈就二萬幾，自己買嘅。」佢仲show出何生喺情人節送嘅金手鐲，佢指重四兩，價值十萬！「佢咁錫禾真係好難得囉，有人為禾咁樣洗錢！」