⁠صالح ال مانعه - ختامي الشحانية - 2024

إشترك وتابع الفنان صالح ال مانعه على جميع المنصات الاجتماعية و الموسيقية
https://alfan.link/bnman3h

ـــــ

يامرحبا ياضيوف الدار حييتو
في دار ابن ثاني اللي يكرم لحاكم

تميم وصى عليكم من ساعة جيتو
قال اكرموهم جميع مواطن وحاكم

وحن تحت خدمته من يوم نوييتو
وقلوبنا في سبيل ارضاه وارضاككم

ياطيبكم في بلدنا يوم حليتو
ويتطيبكم في بلدكم يوم جيناكم

صالح ال مانعه
—
المهرجان الكبير وحضرة الساده
تستاهل ان التنافس يبهر العالم

لايشترك فيه كون اللي لها عاده
ومظمرٍ للمحافل محزمه والم

خطوا سبوق لشوط الرمز مذخوره
عند اصوك للمواجه يدفع بشاره

على المواجه يتوق ويفقد شعوره
صامل ونفسه بشوط الروس اماره

ان روحو كلهم ماهيب معذوره
وان هونو حطها في شوط سياره

يبغي كبار الاسامي باسمه ودوره
ويفوز بالرمز باسمه مهدي داره

بالسابق اللي من الصادوف ماجوره
من عارض الهجن جعل السبق مجاره

اللي تحاجي على التظمير وقصوره
عزامة تجحد الخله وصباره

وان روحو روحت شمقه ومبروره
مغارها يختلف ممشاه وعياره

تظهر من الشوط بالجمهور مذعوره
من كيلو ثنين تصدق مقدم الغاره

زوامة كن تصبباها على الدوره
مرواح لنجٍ ركد منه الهوا تاره

بنت اسمرٍ سمعته واسمه وجمهوره
تاريخٍ وانجاز واصلٍ ماطفت ناره

من مده الله من خيره وميسوره
من خيرة انتاجه المعروف بحواره

كنه ملك له عقار عالي سوره
تجارةٍ صدق بالارباح مدراره

ميزة بناته تحطم التيم في الدوره
في كل ميدان للتيمات قباره

واشكالها في لصايل مالها جوره
الا من الريم عجل اقفاه وذياره

تستاهل اقوى قصيدي واجمل بحوره
نوادر الهجن واللي يفرق ظماره

محمد ال مانعه